Ebaluazioa (ikasteko gaia)

Ebaluazioa gaia lantzen ibili garen honetan erabili dudan kontzeptu mapa hemen duzue, irudian eta FreeMind-eko artxiboa.
Cesarri, Cesarrena dena... Kontzeptu mapa hori honetan dago oinarrituta, nire interpretazio eta talderako egokitzapenaz:

Etxague, X. (2004). Irakaskuntza/Ikaskuntza prozesuaren ebaluazioa. In Didaktika Orokorra (pp. 323–344). Donostia: Erein.

Biharko eskolan ebaluazioa gai moduan amaituko dugu eta ebaluatzen hasiko gara, kalifikaziora eta akreditaziora begira.

Artikulua eta curriculum teoria gaiak uztartuaz...

...egin beharreko lana aurkezteko kodea:

11A-CUR 46 TaldearenIzena

Jakina, 47. taldekoek, 47 idatzi beharko dute

Curriculum teoria dela eta...

Hemen bat edo batek esktutako diapositibak eta berba gakoak

Berba gakoak:

• Curriculuma: plangintza.
• Curriculuma: plangintza teknologikoa
• Curriculuma: Esperientzia
• Curriculuma: Praktikaren eraikitzailea
• Curriculuma: Eraikuntza sozial eta kulturala

• Curriculum adierazia
• Ezkutuko curriculuma
• Curriculum nuloa/absentea

• Curriculumaren iturburu soziologikoa
• Curriculumaren iturburu epistemologikoa
• Curriculumaren iturburu psikologikoa
• Curriculumaren iturburu pedagogikoa

• Lehenengo zehaztapen maila
• Bigarren  zehaztapen maila
• Hirugarren  zehaztapen maila

Diapoak:

Artikulua

Santos Guerrak 1992ean idatzitako artikulu honek duen gaurkotasunez, besteak beste, idatzi beharko duzue.
Idatziaren luzeera 250 - 450 berben bitartekoa izan behar da, bat ere lasto gabekoa.
Muineko ideiei heldu behar diezue eta zuen hitzekin azaldu eta baloratu, zuen bizi esperientzien eta ikaskuntzen arabera.

Curriculum Dekretuaren Eranskinaren... txuleta

Aurreko batean agindutakoa hona dakarkizuet. Iazko ikasle on eta fin batzuek egindako lan ona.
Zuen artean  proposatutako egokitzapenen batzuk sartzen ahalegindu naiz eta arazoak izan ditut, teknikoak eta logikoak; teknikoak batzuk sartutakoan ez delako egon modurik hiru orritan sartzeko (2. esperientzia eremukoak edo G taldetik 1goari egindakoak), logikoak zenbaitetan egindako zuzenketak ez dutelako izan ikuspegi orokorrik eta esaldi batean aldatutakoa hurrengoetan ez delako zuzendu. Logika originalari eustea hobesti dut gehienetan.
Bestalde, zuetariko askok egin duzuen Curriculum Dekretuaren Eranskinaren mapa eta honako hau erabiliaz modulu lanerakoa eta unitate didaktikorakoa oso ondo zuzenduko duzuela sinetsirik nago.

Ondo pasatu azken opor egunok.

Lanean ari dela-eta keixatzeko gogoa duena ez dadila nigana etorri. Nik ere badirautsat.